பெரியகுளம் | தேனி மாவட்டம் :
தமிழர் திருநாளாம் தைப்பொங்கலை முன்னிட்டு, தேனி மாவட்டம் பெரியகுளத்தில் பாரதப் பிரதமர் நரேந்திர மோடியின் பெயரில் ‘மோடி பொங்கல்’ திருவிழா இன்று மிகுந்த உற்சாகத்துடனும், வெகுவிமர்சையாகவும் கொண்டாடப்பட்டது.
பாரதிய ஜனதா கட்சியின் சார்பில் ஒருங்கிணைக்கப்பட்ட இந்த விழாவிற்கு, தேனி மாவட்டத்தின் பல்வேறு பகுதிகளில் இருந்து ஏராளமான பொதுமக்கள், பெண்கள் மற்றும் கட்சித் தொண்டர்கள் திரளாக கலந்து கொண்டு விழாவை சிறப்பித்தனர்.
பாரம்பரிய பொங்கல் – விழாவின் மையம்.
விழா நடைபெற்ற திடல் முழுவதும் வண்ணமயமான கோலங்களால் அலங்கரிக்கப்பட்டிருந்தது.
இதில், 75-க்கும் மேற்பட்ட பெண்கள் ஒரே இடத்தில் கூடி,
மண் பானைகளில் மஞ்சள், இஞ்சி கொத்துகளை கட்டி,
“பொங்கலோ பொங்கல்” என முழக்கமிட்டவாறு,
பாரம்பரிய முறையில் பொங்கலிட்டு தமிழர் கலாச்சாரத்தை உயிர்ப்பித்தனர்.
பொங்கல் பானை பொங்கி வந்தபோது, அங்கு கூடியிருந்த பொதுமக்கள் கைதட்டி மகிழ்ச்சியை வெளிப்படுத்தினர். இந்த காட்சி விழாவில் கலந்து கொண்ட அனைவரையும் உற்சாகத்தில் ஆழ்த்தியது.
விவசாயிகள் கௌரவிப்பு.
விழாவின் ஒரு பகுதியாக, மத்திய அரசின் பல்வேறு திட்டங்களால் பயனடைந்த விவசாயிகள் கௌரவிக்கப்பட்டனர்.நாட்டின் செழுமைக்கும், விவசாயம் மேலும் வளர்ச்சியடையவும் சிறப்பு வழிபாடுகளும் மேற்கொள்ளப்பட்டன.
விழாவில் பேசிய நிர்வாகிகள்.
இவ்விழாவில் கலந்து கொண்ட கட்சி நிர்வாகிகள் பேசுகையில்,
“தமிழர் கலாச்சாரத்தையும், ஜல்லிக்கட்டு போன்ற பாரம்பரிய வீர விளையாட்டுகளையும் பாதுகாத்து ஊக்குவித்த பிரதமர் நரேந்திர மோடிக்கு நன்றி செலுத்தும் விதமாகவும், கிராமப்புற மக்களிடையே ஒற்றுமையை வளர்க்கும் நோக்கிலும் இந்த ‘மோடி பொங்கல்’ விழா நடத்தப்படுகிறது” என தெரிவித்தனர்.
கிராமிய கலை நிகழ்ச்சிகள்.
பொங்கல் விழாவை மேலும் சிறப்பிக்கும் வகையில்,
கரகாட்டம்,ஒயிலாட்டம் உள்ளிட்ட பல்வேறு கிராமியக் கலை நிகழ்ச்சிகள் நடைபெற்றன.
மேலும், விழாவில் பங்கேற்ற அனைவருக்கும்
சர்க்கரைப் பொங்கல், கரும்பு மற்றும் மஞ்சள் கொத்துகள்
பிரசாதமாக வழங்கப்பட்டன.
விழாக்கோலம் பூண்ட பெரியகுளம்.
முழு பெரியகுளம் நகரமே விழாக்கோலம் பூண்டிருந்த இந்த நிகழ்வில், மாவட்ட, ஒன்றிய மற்றும் நகர அளவிலான பொறுப்பாளர்கள் உள்ளிட்ட பெருந்திரளானோர் கலந்து கொண்டு, தைப்பொங்கல் திருநாளை மகிழ்ச்சியுடன் கொண்டாடினர்.
செய்தி தொடர்பாளர் :
அன்புபிரகாஷ் முருகேசன்
தேனி மாவட்ட தலைமை செய்தியாளர் & புகைப்படக் கலைஞர்
