குடியாத்தம் அருகே கோழி தீவனம் ஏற்றி வந்த லாரி கவிழ்ந்து விபத்து…!

ஒட்டுநர் உட்பட 2 பேர் உயிரிழப்பு – போலீசார் விசாரணை.

குடியாத்தம் | டிசம்பர் 27 :

வேலூர் மாவட்டம், குடியாத்தம் அருகே தமிழக–ஆந்திர எல்லைப் பகுதியில் கோழி தீவனம் ஏற்றி வந்த லாரி கட்டுப்பாட்டை இழந்து கவிழ்ந்த விபத்தில், லாரி ஒட்டுநர் மற்றும் சாலையோரமாக சென்ற பெண் ஒருவர் என இருவர் பரிதாபமாக உயிரிழந்தனர்.

குடியாத்தம் அருகே உள்ள சைனகுண்டா பகுதியைச் சேர்ந்த தேவி, கணவர் சுப்பிரமணி (45) என்பவர், வழக்கம்போல் தனது பசுமாடுகளை மேய்ச்சலுக்கு அழைத்துச் சென்று கொண்டிருந்தார்.

இந்த நிலையில், ஆந்திர மாநிலம் பலமனேரி பகுதியிலிருந்து திருக்கோவிலூர் நோக்கி கோழி தீவனம் ஏற்றி வந்த லாரி, சைனகுண்டா பகுதியில் வந்தபோது எதிர்பாராத விதமாக ஒட்டுநரின் கட்டுப்பாட்டை இழந்து சாலையோரம் சென்ற பெண்ணின் மீது மோதி கவிழ்ந்தது.

இந்த விபத்தில், மாடு மேய்ச்சலுக்கு சென்றிருந்த தேவி சம்பவ இடத்திலேயே உயிரிழந்தார்.

மேலும், லாரி கவிழ்ந்ததில், ஆந்திர மாநிலம் பலமனேரி பகுதியைச் சேர்ந்த லாரி ஒட்டுநர் பைசுல்லா (த/பெ. அபீஸ்வுல்லா) என்பவரும் சம்பவ இடத்திலேயே உயிரிழந்தார்.

போலீசார் நடவடிக்கை:

சம்பவம் குறித்து தகவலறிந்து வந்த குடியாத்தம் போலீசார், விபத்தில் உயிரிழந்த இருவரின் உடல்களையும் மீட்டு, வேலூர் அடுக்கம்பாறை அரசு மருத்துவமனைக்கு உடற்கூறு ஆய்வுக்காக அனுப்பி வைத்தனர்.

மேலும், விபத்து தொடர்பாக வழக்குப்பதிவு செய்து விசாரணை மேற்கொண்டு வருகின்றனர்.

இந்த விபத்தில் மாடு மேய்ச்சலுக்கு சென்ற பெண் உயிரிழந்த சம்பவம், அப்பகுதி பொதுமக்கள் மற்றும் உறவினர்கள் மத்தியில் பெரும் சோகத்தை ஏற்படுத்தியுள்ளது.


கே.வி. ராஜேந்திரன்
தாலுகா செய்தியாளர்
குடியாத்தம்.

✒️✒️✒️🗞️ தமிழ்நாடு டுடே கோரிக்கை:

🔴குடியாத்தம் விபத்து: கனரக வாகன கட்டுப்பாட்டு குறைபாடுகள் மீண்டும் கேள்விக்குறி…?
போலீஸ் கண்காணிப்பு, வேக கட்டுப்பாடு அவசியம் – சமூக ஆர்வலர்கள் வலியுறுத்தல்!


குடியாத்தம் அருகே சைனகுண்டா பகுதியில் கோழி தீவனம் ஏற்றி வந்த லாரி கட்டுப்பாட்டை இழந்து கவிழ்ந்து, இரண்டு பேர் உயிரிழந்த சம்பவம், கனரக வாகனங்களின் இயக்கம் மற்றும் பாதுகாப்பு கட்டுப்பாடுகள் குறித்து மீண்டும் கடும் கேள்விகளை எழுப்பியுள்ளது.

தமிழகம்–ஆந்திர எல்லைப் பகுதியாக உள்ள இந்த சாலை, அதிக அளவில் கனரக சரக்கு வாகனங்கள் இயக்கப்படும் பாதையாக இருந்து வரும் நிலையில்,

வேகக் கட்டுப்பாடு

ஓட்டுநர் ஓய்வு நேர கண்காணிப்பு

கனரக வாகனங்களுக்கு நேர வரம்பு (Time restriction)

கிராமப்புற மற்றும் குடியிருப்பு பகுதிகளில் எச்சரிக்கை பலகைகள்

ஆகியவை போதுமான அளவில் நடைமுறைப் படுத்தப்படுகிறதா என்ற சந்தேகம் பொதுமக்கள் மத்தியில் எழுந்துள்ளது.

கிராமப்புற சாலைகளில் கனரக வாகனங்கள் – உயிருக்கு ஆபத்து.

சைனகுண்டா உள்ளிட்ட எல்லைப் பகுதிகளில், காலை மற்றும் மாலை நேரங்களில்,

மாடு மேய்ச்சல்

விவசாய வேலை

நடைபயணம்

அதிகமாக நடைபெறும் சூழலில், அதிவேகமாக செல்லும் கனரக லாரிகள் பொதுமக்களின் உயிருக்கு பெரும் ஆபத்தாக மாறி வருகின்றன என சமூக ஆர்வலர்கள் தெரிவிக்கின்றனர்.

என்ன நடவடிக்கைகள் தேவை?

இந்த விபத்தைத் தொடர்ந்து,

🔴குடியிருப்பு பகுதிகளில் கனரக வாகனங்களுக்கு வேகக் கட்டுப்பாடு.

🔴Speed breaker / Rumble strip அமைத்தல்

🔴எல்லைப் பகுதிகளில் நிரந்தர போலீஸ் கண்காணிப்பு

🔴கனரக வாகனங்களுக்கு குறிப்பிட்ட நேர கட்டுப்பாடு

🔴ஓட்டுநர்களின் மது / சோர்வு சோதனை


போன்ற நடவடிக்கைகளை மாவட்ட நிர்வாகம் உடனடியாக மேற்கொள்ள வேண்டும் என்ற கோரிக்கை வலுத்துள்ளது.

⁉️உயிரிழப்புகளுக்குப் பிறகே நடவடிக்கையா?

முன்னதாகவும் இதுபோன்ற விபத்துகள் நிகழ்ந்துள்ள நிலையில்,
உயிரிழப்புகள் நடந்த பின்னரே நிர்வாகம் விழித்தெழுவது ஏன்?
என்று பொதுமக்கள் கேள்வி எழுப்புகின்றனர்.

இந்த சம்பவம், கனரக வாகனங்கள் தொடர்பான விதிமுறைகளை கடுமையாக அமல்படுத்த வேண்டிய அவசியத்தை மீண்டும் வலியுறுத்தியுள்ளது.

தமிழ்நாடு டுடே செய்திகள் குழுமம்.