காணொளி காட்சி மூலம் முதல்வர் திறந்து வைப்பு
வேலூர் மாவட்டம், குடியாத்தம் ஒன்றியம், மோடிகுப்பம் ஊராட்சியில் ரூ.36 லட்சம் மதிப்பீட்டில் கட்டப்பட்ட புதிய அரசு ஆரம்பப்பள்ளி கட்டிடம், பிப்ரவரி 6-ஆம் தேதி மாண்புமிகு மு.க.ஸ்டாலின் அவர்களால் காணொளி காட்சி மூலம் திறந்து வைக்கப்பட்டது. இந்த புதிய கட்டிடம் கிராமப்புற மாணவர்களின் கல்வி தரத்தை மேம்படுத்தும் வகையில் அமைக்கப்பட்டுள்ளது.
ஊராட்சி மற்றும் ஒன்றிய நிர்வாகிகள் பங்கேற்பு
இந்த நிகழ்ச்சியில் மோடிகுப்பம் ஊராட்சி மன்ற தலைவர் லாவண்யா ஜெயப்பிரகாஷ் அவர்கள் கலந்து கொண்டு உரையாற்றினார். சிறப்பு அழைப்பாளராக ஒன்றிய செயலாளர் பிரதீஷ் அவர்கள் பங்கேற்றார். மேலும், வட்டார வளர்ச்சி அலுவலர்கள், ஊராட்சி மன்ற துணைத் தலைவர் மற்றும் உறுப்பினர்கள் ஆகியோரும் நிகழ்ச்சியில் கலந்துகொண்டனர்.
கிராம பொதுமக்கள் திரளான பங்கேற்பு
பள்ளி கட்டிடம் திறப்பு விழாவில் கிராம பொதுமக்கள் திரளாக கலந்து கொண்டு மகிழ்ச்சியை வெளிப்படுத்தினர். புதிய கட்டிடம் மாணவர்களுக்கு பாதுகாப்பான, வசதியான கல்வி சூழலை வழங்கும் என அவர்கள் தெரிவித்தனர்.
குடியாத்தம் தாலுகா செய்தியாளர்
கே.வி. ராஜேந்திரன்
