தஞ்சாவூர் | ஜனவரி 10
தஞ்சாவூர் மாவட்டத்தில் குற்றத் தடுப்பு நடவடிக்கைகளை வலுப்படுத்தும் நோக்கில், மத்திய மண்டல காவல்துறை தலைவர் திரு. வணக்கம். வி. பாலகிருஷ்ணன், இ.கா.ப. அவர்கள் இன்று (10.01.2026) தஞ்சாவூர் மாவட்ட நவீன காவல் கட்டுப்பாட்டு அறையை நேரில் ஆய்வு செய்தார்.
ஆய்வினைத் தொடர்ந்து, இரவு நேர ரோந்து பணியில் ஈடுபட்ட காவலர்களை தணிக்கை செய்த அவர், நகர்ப்புற மற்றும் கிராமப்புற பகுதிகளில் சட்ட ஒழுங்கு பாதுகாப்பு, குற்றச் சம்பவங்கள் தடுப்பு, அவசர கால நடவடிக்கைகள் ஆகியவை குறித்து விரிவாக ஆய்வு மேற்கொண்டார்.
இந்த ஆய்வின் போது, குற்றத் தடுப்பு நடவடிக்கைகளை மேலும் தீவிரப்படுத்த வேண்டும்,
➡️ இரவு நேர ரோந்து பணிகளை திட்டமிட்ட முறையில் செயல்படுத்த வேண்டும்,
➡️ பொதுமக்களின் பாதுகாப்புக்கு முதன்மை அளிக்க வேண்டும்,
➡️ குற்றச் சம்பவங்களை முன்கூட்டியே கண்டறிந்து தடுக்கும் வகையில் கண்காணிப்பை அதிகரிக்க வேண்டும்
என காவல் அதிகாரிகளுக்கு அவர் அறிவுறுத்தல்கள் மற்றும் ஆலோசனைகளை வழங்கினார்.
இந்த நிகழ்வில், தஞ்சாவூர் மாவட்ட காவல் கண்காணிப்பாளர் திரு. இராஜராம், த.கா.ப.,
நகர உட்கோட்ட துணை காவல் கண்காணிப்பாளர் சோமசுந்தரம் உள்ளிட்ட காவல் அதிகாரிகள் உடன் இருந்தனர்.
சாலை பாதுகாப்பு மாதம் – விழிப்புணர்வு ஒட்டப்பந்தயம்:
இதனைத் தொடர்ந்து, சாலை பாதுகாப்பு மாதத்தை முன்னிட்டு, பொதுமக்கள் மற்றும் காவல்துறை ஆளிநர்களிடையே விழிப்புணர்வு ஏற்படுத்தும் நோக்கில், விழிப்புணர்வு ஒட்டப்பந்தயம் தஞ்சாவூரில் நடைபெற்றது. இந்த நிகழ்ச்சியும் மத்திய மண்டல காவல்துறை தலைவர் திரு. வணக்கம். வி. பாலகிருஷ்ணன் தலைமையில் நடைபெற்றது.
இந்த ஒட்டப்பந்தயத்தின் மூலம்,
➡️ சாலை விதிகளை கடைபிடிப்பதின் அவசியம்,
➡️ தலைக்கவசம் மற்றும் பாதுகாப்பு உபகரணங்களின் பயன்பாடு,
➡️ மதுபானம் அருந்தி வாகனம் ஓட்டுவதால் ஏற்படும் ஆபத்துகள்,
➡️ வேக கட்டுப்பாடு மற்றும் பொறுப்பான வாகன ஓட்டம்
போன்ற அம்சங்கள் குறித்து விழிப்புணர்வு ஏற்படுத்தப்பட்டது.
இந்நிகழ்வில், காவல்துறை துணைத் தலைவர் ஜியாவுல்ஹக், தஞ்சாவூர் மாவட்ட காவல் கண்காணிப்பாளர்கள், காவல்துறை அதிகாரிகள் மற்றும் ஆளிநர்கள் கலந்து கொண்டு ஒட்டப்பந்தயத்தை சிறப்பித்தனர்.
பொது பாதுகாப்பில் காவல்துறை கவனம்:
குற்றத் தடுப்பு நடவடிக்கைகளும், சாலை பாதுகாப்பு விழிப்புணர்வும் இணைந்து செயல்பட்டால் மட்டுமே பொது பாதுகாப்பு உறுதி செய்ய முடியும் என்பதை வலியுறுத்தும் வகையில் இந்த நிகழ்வுகள் அமைந்ததாக காவல்துறை தரப்பில் தெரிவிக்கப்பட்டது.
செய்தியாளர் : கோ. வளங்கோவன்
கும்பகோணம்
