சென்னை, நவம்பர் 30, 2025:
மாண்புமிகு தமிழ்நாடு துணை முதலமைச்சர் திரு. உதயநிதி ஸ்டாலின் அவர்களின் பிறந்தநாளை முன்னிட்டு ஏற்பாடு செய்யப்பட்ட “மனிதநேய உதயநாள் – 15” மக்கள் நல விழா இன்று சென்னை கொளத்தூர் தொகுதி, அகரம் பகுதியில் உள்ள ஸ்ரீ முருகன் திருமண மாளிகையில் சிறப்பாக நடைபெற்றது.
இந்த நிகழ்ச்சியில், மாபெரும் இரத்ததான முகாம் நடத்தப்பட்டு, சமூக நலனைக் குறிக்கோளாகக் கொண்ட பெருமளவிலான இளைஞர்கள் மற்றும் பொதுமக்கள் உற்சாகமாக பங்கேற்றனர்.
இந்து சமயம் மற்றும் அறநிலையத்துறை அமைச்சர் திரு. பி. கே. சேகர்பாபு அவர்கள் முன்னிலையில் நிகழ்ச்சி நடைபெற்றது.
கழக இளைஞரணி துணைச் செயலாளரும் நாடாளுமன்ற உறுப்பினருமான திரு. கே. இ. பிரகாஷ் அவர்கள் இரத்ததான முகாமை அதிகாரப்பூர்வமாக துவக்கி வைத்து, தாமும் இரத்ததானம் வழங்கி முகாமுக்கு சிறப்புத் துவக்கமாக அமைத்தார்.
கட்சித் தலைவர்கள் மற்றும் நிர்வாகிகள் பங்கேற்பு:
பகுதி செயலாளர்கள் திரு. எ. நாகராஜன், திரு. ஐசிஎப். வ. முரளிதரன், தலைமை செயற்குழு உறுப்பினர்கள் கே. சந்துரு, சி. மகேஷ்குமார், மாவட்ட இளைஞரணி அமைப்பாளர்
வானவில் விஜய், மண்டலக் குழுத் தலைவர் சரிதாமகேஷ்குமார், வட்டச் செயலாளர்கள் எம்ஜேசி. பாபு, பி. அதிபதி மேலும் பல கழக நிர்வாகிகள், தன்னார்வலர்கள், இளைஞரணி உறுப்பினர்கள் கலந்து கொண்டு மனிதநேய பணியை சிறப்பித்தனர்.
செய்தியாளர்:
எம். யாசர் அலி, தமிழ்நாடு டுடே – சென்னை மாவட்ட செய்தியாளர்
