ஷஃபாலி வர்மாவின் அதிரடி கம்பேக் இந்திய மகளிர் அணியை வரலாற்றில் எழுத வைத்தது!
✍️ Shaikh Mohideen
Associate Editor – Tamilnadu Today Media Network
முன்னுரை :
வெற்றிக்கு வழி எப்போதும் சுலபமல்ல. ஆனால் “நம்பிக்கையுடன் போராடுபவர்களுக்கு பிரபஞ்சம் கூட துணை நிற்கும்” என்பதற்கே எடுத்துக்காட்டு — ஷஃபாலி வர்மா. ஏழை குடும்பத்தில் பிறந்த அவர், தன் திறமையாலும் தன்னம்பிக்கையாலும் இந்திய மகளிர் கிரிக்கெட்டின் வரலாற்றை புதிய உயரத்திற்கு கொண்டு சென்றுள்ளார்.
வெற்றியின் விதை :
15 வயதிலேயே இந்திய டி20 அணிக்காக அறிமுகமான ஷஃபாலி, மிக இளமையான இந்திய வீராங்கனை என்ற பெருமை பெற்றார்.
அந்த தன்னம்பிக்கை அவரை 2020இல் ICC டி20 பேட்டிங் தரவரிசையில் முதலிடத்துக்கு கொண்டு சென்றது. அதிரடியான ஆட்டம், பயமில்லாத அணுகுமுறை — இதுவே அவரை ரசிகர்கள் இதயத்தில் இடம்பிடிக்கச் செய்தது.
ஆனால் 2024-25 காலகட்டத்தில், அவரது ஒருநாள் போட்டி ஃபார்ம் சரிந்தது. இதனால் உலகக் கோப்பை அணியில் இருந்து அவர் நீக்கப்பட்டார்.
தலைமைத் தேர்வாளர் நீட்டு டேவிட் “பார்ம் மற்றும் பிட்னஸ் காரணம்” என்று கூறியதும், ரசிகர்களுக்கே இது பெரிய அதிர்ச்சியாக இருந்தது.
விதியின் திருப்பம் :
உலகக் கோப்பை தொடரில், பிரதிகா ராவல் காயம் அடைந்ததும் இந்திய அணிக்கு புதிய துவக்க வீராங்கனை தேவைப்பட்டது. அப்போது தேர்வாளர்களின் பார்வை மீண்டும் ஷஃபாலியை நோக்கியது.
அரையிறுதியில் ஆஸ்திரேலியாவுக்கு எதிராக மீண்டும் திரும்பிய அவர் சிறிய பங்களிப்பை மட்டுமே அளித்தார். இதனால் இறுதிப் போட்டிக்கான அவரது இடம் மீண்டும் கேள்விக்குறியாகியது.
ஆனால் அணி நிர்வாகம்;
“ஒரு வாய்ப்பு இன்னும் தகுதி பெறும்” என்ற நம்பிக்கையில், ஷஃபாலிக்கு இறுதிப் போட்டியில் இடம் அளித்தது. அதுவே இந்திய மகளிர் கிரிக்கெட்டின் வரலாற்றை மாற்றியது!
வரலாற்று வெற்றி :
நவம்பர் 6-ம் தேதி தென்னாப்பிரிக்காவிற்கு எதிரான பைனலில், ஷஃபாலி 78 பந்துகளில் 87 ரன்கள் குவித்து அணிக்கு வலுவான அடித்தளம் அமைத்தார்.
பந்துவீச்சிலும் அதே உற்சாகம் — சுனே லூஸ் மற்றும் மரிசான் காப் ஆகியோரை வீழ்த்தி வெற்றியின் பாதையை அமைத்தார்.
7 ஓவர்களில் வெறும் 36 ரன்கள் மட்டுமே கொடுத்து முக்கிய பங்களிப்பு செய்தார்.
இறுதியில், ஹர்மன்பிரீத் கௌர் தலைமையிலான இந்திய அணி தென்னாப்பிரிக்காவை 52 ரன்கள் வித்தியாசத்தில் வீழ்த்தி தனது முதல் மகளிர் ஒருநாள் உலகக் கோப்பை வெற்றி பெற்றது!
ஷஃபாலி “ஆட்ட நாயகி” (Player of the Match) பட்டம் பெற்றார்.
வெற்றிக்கு பின் வார்த்தைகள் :
போட்டிக்குப் பிறகு உணர்ச்சிவசப்பட்ட ஷஃபாலி கூறினார்:
“என்னை மீண்டும் நம்பிய கடவுளுக்கும் பெற்றோருக்கும் நன்றி.
சச்சின் டெண்டுல்கரை நேரில் பார்க்கும் தருணம் எனக்கு மிகப்பெரிய ஊக்கம்.
அந்த தருணமே என் ஆட்டத்தை சிறப்பாக்கியது.”
அவரது குடும்பம், நண்பர்கள், பயிற்சியாளர்கள் — அனைவரும் இந்த வெற்றியின் பங்குதாரர்கள்.
முடிவுரை :
ஏழை குடும்பத்தில் பிறந்த ஒரு பெண், தன் முயற்சி, மனவலம், நம்பிக்கை மூலமாக இந்தியாவுக்கு உலக வெற்றி தருகிறார்…!
இது வெறும் விளையாட்டு சாதனை அல்ல, இந்திய மகளிர் சக்தியின் உயிரூட்டும் எடுத்துக்காட்டு!
ஷஃபாலி வர்மா — உண்மையிலேயே இந்திய மகளிர் கிரிக்கெட்டின் தங்க தேவதை! 🏆🇮🇳
#Viral #WorldCup #WomensWorldCup2025 #ShefaliVerma #MullaiMediaNetwork
