வடசென்னை மாவட்டம் – கொளத்தூர் தொகுதியில் பல்வேறு திட்டப் பணிகளை அமைச்சர் பி. கே. சேகர்பாபு ஆய்வு.
(19.11.2025)
வடசென்னை மாவட்டம், கொளத்தூர் சட்டமன்றத் தொகுதி மற்றும் அதனைச் சுற்றிய பகுதிகளில் இன்று பல்வேறு வளர்ச்சித் திட்டப் பணிகள் மற்றும் புதிய வசதிகள் தொடர்பாக இந்து சமயம் மற்றும் அறநிலையத்துறை அமைச்சர், மற்றும் சென்னைப் பெருநகர் வளர்ச்சிக் குழுமத் தலைவர் திரு. பி. கே. சேகர்பாபு அவர்கள் நேரில் விஜயம் செய்து ஆய்வு மேற்கொண்டார்.
இந்த ஆய்வில் சென்னை மாநகர மேயர் ஆர். பிரியா, மண்டலம் மற்றும் வார்டு உறுப்பினர்கள், பகுதி செயலாளர்கள், வட்டச் செயலாளர்கள், நிர்வாகிகள் மற்றும் பொதுமக்கள் பலர் கலந்து கொண்டனர்.
🔹 அயனாவரம் – புதிய பூங்கா துவக்க விழா (Ward 75):
திரு. வி. க. நகர் சட்டமன்றத் தொகுதி, மண்டலம்-6, வார்டு–75, அயனாவரம், மேடவாக்கம் டேங்க் ரோடு, 2ஆம் தெருவில் பெருநகர சென்னை மாநகராட்சி சார்பில்,சட்டமன்ற உறுப்பினர் மேம்பாட்டு நிதியில் இருந்து புதிய பூங்கா அமைப்பதற்கான பணிகள் அதிகாரப்பூர்வமாக துவங்கின.
🔹 சேமாத்தம்மன் கோயில் மண்டபம் கட்டுமான பணி ஆய்வு (Ward 74):
திரு. வி. க. நகர் தொகுதி, மண்டலம்-6, வார்டு–74 பகுதியில்,
இந்து சமய அறநிலையத்துறை சார்பில் நடைபெற்று வரும் அருள்மிகு சேமாத்தம்மன் கோயில் மண்டபம் கட்டுமானப் பணிகளை அமைச்சர் நேரில் ஆய்வு செய்தார்.
🔹 GKM காலனி – சமுதாய நலக்கூடம் ஆய்வு:
கொளத்தூர், ஜி.கே.எம். காலனி, ஜம்புலிங்கம் சாலையில்
பெருநகர சென்னை மாநகராட்சி சார்பில் கட்டப்பட்டு வரும்
சமுதாய நலக்கூடத்தின் (Corporation Community Hall) பணிகளை அமைச்சர் பரிசீலித்தார்.
🔹 ராஜா தோட்டம் – பல்நோக்கு மையம் ஆய்வு
கொளத்தூர் பேப்பர் மில்ஸ் சாலையில், ராஜா தோட்டம் TNHB குடியிருப்புகள் அருகில் மாநகராட்சி சார்பில் நடைபெற்று வரும் ராஜா தோட்டம் பல்நோக்கு மையத்தின் (Raja Thottam Multipurpose Centre) பணிகள் ஆராயப்பட்டது.
🔹 புதிய நவீன சந்தை – CMDA ஆய்வு:
கொளத்தூர் பேப்பர் மில்ஸ் சாலையில் CMDA சார்பில் கட்டப்பட்டு வரும் புதிய நவீன சந்தை (New Modern Market) பணி தரமும் முன்னேற்றமும் அமைச்சரால் ஆய்வு செய்யப்பட்டது.
🔹 “மக்கள் சேவை மையம்” – புதிய அலுவலகக் கட்டிடம் ஆய்வு:
Unlimited Showroom அருகில், CMDA சார்பில் கட்டப்பட்டு வரும்
வட்டாட்சியர் அலுவலகம், சார்பதிவாளர் அலுவலகம், பகிர்ந்த பணியிட மையம் உள்ளிட்ட “Citizen Service Centre” பணிகளும் பார்வையிடப்பட்டன.
அமைச்சருடன் சேர்ந்து மேயர், மாமன்ற உறுப்பினர்கள், வட்ட செயலாளர்கள் உள்ளிட்ட நிர்வாகிகள் அனைவரும் ஒவ்வொரு பணியின் முன்னேற்றத்தையும் ஆராய்ந்து, தேவையான உத்தரவுகள் வழங்கினர்.
சென்னை மாவட்ட செய்திகள்
எம். யாசர் அலி
