🟢 பூத் கமிட்டி பொறுப்பாளர்கள் மாநாடு தென்காசியில் நவம்பர் 29-ஆம் தேதி! -

2026 சட்டமன்றத் தேர்தலை முன்னிட்டு SDPI கட்சியின் அமைப்பு வலுப்படுத்தும் முயற்சி தீவிரம்!

தென்காசி:
2026 ஆம் ஆண்டு நடைபெறவுள்ள சட்டமன்றத் தேர்தலை முன்னிட்டு, சோஷியல் டெமோக்ராட்டிக் பார்ட்டி ஆஃப் இந்தியா (SDPI) கட்சி மாநிலம் முழுவதும் வலுவான அமைப்பு நடவடிக்கைகளை மேற்கொண்டு வருகிறது.

இதன் ஒரு பகுதியாக, கடந்த செப்டம்பர் 13-ஆம் தேதி திருச்சியில் நடைபெற்ற “சட்டமன்ற தொகுதி மாநாட்டில்” மாநிலம் முழுவதும் தொகுதி வாரியாக பூத் பொறுப்பாளர்கள் (BLA–1) நியமித்து, ஒவ்வொரு மாவட்டத்திலும் பூத் கமிட்டி மாநாடு நடத்த தீர்மானிக்கப்பட்டது.

அந்தத் தீர்மானத்தின் அடிப்படையில், தென்காசி மாவட்ட SDPI சார்பில் வரும் நவம்பர் 29 (சனிக்கிழமை) அன்று VTSR மஹாலில் “பூத் கமிட்டி பொறுப்பாளர்கள் மாநாடு” நடைபெறவுள்ளது.

மாநாட்டில் தென்காசி மாவட்டத்திற்குட்பட்ட அனைத்து சட்டமன்றத் தொகுதிகளிலிருந்தும் சுமார் 1,500 பூத் பொறுப்பாளர்கள் பங்கேற்கவுள்ளனர்.
வாக்காளர் விழிப்புணர்வு, பிரிவு வாரியான வலுப்படுத்தல், வாக்குச்சாவடிகளில் பொறுப்பாளர்களின் பங்கு, தேர்தல் நேர செயல் திட்டம் போன்றவை குறித்து விரிவான ஆலோசனைகள் இடம்பெறவுள்ளதாக கட்சி வட்டாரங்கள் தெரிவித்தன.

மாநாட்டு அறிவிப்பு நிகழ்ச்சி தென்காசி மாவட்டத் தலைவர் திவான் ஒலி தலைமையில் நடைபெற்றது.

நிகழ்ச்சியில்:

மாவட்ட துணைத்தலைவர் முகம்மது நயினார்,

மாவட்ட பொதுச் செயலாளர் செய்யது மஹ்மூத்,

மாவட்ட அமைப்பு பொதுச் செயலாளர் ஷேக் முகம்மது ஒலி,

மாவட்ட செயலாளர்கள் சீனா, சேனா, சர்தார், அப்துல்பாசித்,

மாவட்ட செயற்குழு உறுப்பினர் அஸ்கர் அலி,

தென்காசி தொகுதி துணைத்தலைவர் பாதுஷா,

தொகுதி அமைப்பு செயலாளர் அப்துல்காதர்,

நகர செயலாளர் ஷேக் மைதீன்,

மகளிரணி மாவட்டத் தலைவி பரக்கத் நிஷா,

மாவட்ட பொருளாளர் ஆயிஷா ஆகியோர் கலந்து கொண்டு கருத்துரைத்தனர்.

மாநாட்டின் மூலம் வாக்காளர் மட்டத்தில் செயல்படும் கட்சி பொறுப்பாளர்களின் ஒருங்கிணைப்பை மேம்படுத்தி, கட்சியின் வலிமையை நிலைநிறுத்துவதே நோக்கமாகும் என நிர்வாகிகள் தெரிவித்தனர்.

📍அமல்ராஜ்
தலைமை செய்தியாளர் — தென்காசி மாவட்டம்

🟢 பூத் கமிட்டி பொறுப்பாளர்கள் மாநாடு தென்காசியில் நவம்பர் 29-ஆம் தேதி!

Share this content

Social Media

Professional

Messaging

Visual

Communication

Bookmarking

Developer

Gaming

Video

Publishing

Entertainment

Academic

Finance

Shopping

Lifestyle

Utility

By TN NEWS