🔥 தென்காசி ஆட்சியர் அலுவலகத்தில் தீக்குளிக்க முயன்ற முதியவர்! -

கடுமையான பாதுகாப்பை மீறி நடந்த சம்பவம்தான் பரபரப்பு! “கடந்த வாரமே மண்ணெண்ணெய் கொண்டு வந்தேன்” என கூறிய முதியவர்!

தென்காசி மாவட்ட ஆட்சியர் அலுவலகத்தில் இன்று நடைபெற்ற வாராந்திர மக்கள் குறைதீர் கூட்டத்தின் போது பரபரப்பான நிலை ஏற்பட்டது.

கடந்த வாரம் சோலார் விவகாரம் தொடர்பாக எட்டு பேர் தீக்குளிக்க முயன்ற சம்பவம் அதிர்வை ஏற்படுத்திய நிலையில், இன்று அலுவலகம் முழுவதும் கடுமையான பாதுகாப்பு ஏற்பாடுகள் செய்யப்பட்டிருந்தன — காவல்துறையினர், தீயணைப்பு வீரர்கள் மற்றும் வெடிகுண்டு தடுப்பு பிரிவு பணியாளர்கள் உள்ளிட்ட பல்வேறு பிரிவினர் பணி புரிந்தனர்.

இந்நிலையில், இந்த கடுமையான பாதுகாப்பையும் மீறி, ஆய்க்குடி பகுதியைச் சேர்ந்த முனியாண்டி என்ற முதியவர், தனது நிலம் அபகரிக்கப்பட்டதாக குற்றம்சாட்டி தீக்குளிக்க முயன்றார்.

அவரது குற்றச்சாட்டு படி, தனது சொந்த நிலத்தை இதே பகுதியைச் சேர்ந்த இசக்கிராஜன் என்பவர் அபகரித்துள்ளார். இதுகுறித்து பலமுறை மாவட்ட ஆட்சியரிடம் மனு அளித்தும் எந்த நடவடிக்கையும் எடுக்கப்படவில்லை என்று கூறியுள்ளார்.

பாதுகாப்பு பணியில் இருந்த காவல்துறையினர் உடனடியாக தடுத்து, மண்ணெண்ணையை பறிமுதல் செய்தனர். விசாரணையில், முனியாண்டி கூறியதாவது:

“கடந்த வாரமே தீக்குளிக்க மண்ணெண்ணெய் கொண்டு வந்தேன். ஆனால் அப்போது எட்டு பேர் முயற்சி செய்ததால் கூட்டம் அதிகமாக இருந்தது. அதனால் அடுத்த வாரம் முயற்சி செய்யலாம் என்று மண்ணெண்ணையை அங்கேயே பதுக்கி வைத்தேன்,” என தெரிவித்துள்ளார்.

அவர் தற்போது, தனது நில பிரச்சனைக்கு உரிய நடவடிக்கை எடுக்குமாறு காவல்துறையிடம் கோரிக்கை விடுத்துள்ளார்.

இந்த சம்பவம் மாவட்ட நிர்வாகத்திலும் காவல் துறையிலும் பெரும் அதிர்வை ஏற்படுத்தியுள்ளது.

செய்தி: ஜே. அமல்ராஜ், தென்காசி மாவட்ட தலைமை நிருபர்

🔥 தென்காசி ஆட்சியர் அலுவலகத்தில் தீக்குளிக்க முயன்ற முதியவர்!

Share this content

Social Media

Professional

Messaging

Visual

Communication

Bookmarking

Developer

Gaming

Video

Publishing

Entertainment

Academic

Finance

Shopping

Lifestyle

Utility

By TN NEWS