🚨விவசாயிகள் கடத்தல்...? -

📰 போலிஸ் போல் நடித்து விவசாயியை கடத்தல் – அண்ணன் தம்பி உள்பட 5 பேர் கைது

குடியாத்தம், செப்டம்பர் 26:
வேலூர் மாவட்டம் குடியாத்தம் அருகே நிலப் பிரச்சினையை மையமாகக் கொண்டு போலிஸ் போல் நடித்து விவசாயியை கடத்திச் சென்ற அண்ணன்–தம்பி உள்பட ஐந்து பேரை போலீசார் அதிரடியாக கைது செய்துள்ளனர்.

குடியாத்தம் அடுத்த ஒலக்காசி கிராமம் பஜனை கோவில் தெருவைச் சேர்ந்தவர் சுப்பிரமணி. இவரது மகன் தனசேகரன் (37), மனைவி பவித்ரா (29). இவர்களுடன் நிலம் தொடர்பான கொடுக்கல்–வாங்கல் பிரச்சினையில் லத்தேரி சிவராஜ் தெருவைச் சேர்ந்த தேவேந்திரன் (56) மற்றும் மனைவி சுஷ்மா ஈடுபட்டிருந்தனர்.

சுஷ்மா, தனக்கு சொந்தமான நிலத்தை விற்பனை செய்வதற்காக தனசேகரனிடமிருந்து பணம் பெற்றதாகவும் அதற்காக ஒப்பந்தம் செய்யப்பட்டதாகவும் கூறப்படுகிறது. இதன் தொடர்பாக இருபுறமும் வாக்குவாதம் ஏற்பட்டு, சுஷ்மா லத்தேரி காவல் நிலையத்தில் புகார் அளித்திருந்தார்.

இந்த சூழ்நிலையில் நேற்று அதிகாலை, தனசேகரன் வீட்டில் இருந்தபோது தேவேந்திரன் சிலருடன் வந்து தங்களை லத்தேரி போலீசார் என அறிமுகப்படுத்தி, விசாரணைக்கு அழைத்துச் சென்றதாக கூறப்படுகிறது.

இதை அறிந்த தனசேகரனின் மனைவி பவித்ரா உடனடியாக லத்தேரி காவல் நிலையத்துடன் தொடர்பு கொண்டபோது, “தனசேகரனை எங்கள் போலீசார் அழைத்து செல்லவில்லை” என்று தெரிவித்தனர். இதன் மூலம் தனசேகரன் கடத்தப்பட்டிருப்பது வெளிச்சத்துக்குவந்தது. பின்னர் அவர் விடுவிக்கப்பட்டார்.

இதுகுறித்து குடியாத்தம் நகர போலீசார் விசாரணை மேற்கொண்டு, துணைக் காவல் கண்காணிப்பாளர் சுரேஷ் மேற்பார்வையில், இன்ஸ்பெக்டர்கள் ருக்மாங்கதன், விஸ்வநாதன் ஆகியோர் தீவிரமாக விசாரணை நடத்தினர்.

இதன் பேரில், தனசேகரனை கடத்தலில் ஈடுபட்டதாக

தேவேந்திரன் (56),

குடியாத்தம் அடுத்த செட்டிகுப்பம் கிராமத்தைச் சேர்ந்த பாபு (53),

தமிழ்செல்வன் (60),

கல்லபாடி கதிர்குளம் கிராமத்தைச் சேர்ந்த விநாயகம் (43),

அம்பேத்கார் நகரைச் சேர்ந்த ரவி (62)

ஆகிய ஐந்து பேரையும் போலீசார் கைது செய்தனர். சம்பவத்தில் பயன்படுத்திய கார் பறிமுதல் செய்யப்பட்டது. கைது செய்யப்பட்டவர்கள் சிறையில் அடைக்கப்பட்டு வருகின்றனர்.

✍️ கே.வி. ராஜேந்திரன்
குடியாத்தம் தாலுகா செய்தியாளர்

🚨விவசாயிகள் கடத்தல்…?

By TN NEWS

🚨விவசாயிகள் கடத்தல்…?

Share this content

Social Media

Professional

Messaging

Visual

Communication

Bookmarking

Developer

Gaming

Video

Publishing

Entertainment

Academic

Finance

Shopping

Lifestyle

Utility