பேச்சுவார்த்தை ரத்து:
இந்திய பயணத்தை தள்ளி வைத்த அமெரிக்க குழு – 50% வரி அமலுக்கு வருகிறதா?
தமிழ்நாடு டுடே – 18 ஆகஸ்ட் 2025;
அமெரிக்கா மற்றும் இந்தியா இடையேயான வர்த்தக உறவுகளில் புதிய பதட்டம் உருவாகியுள்ளது.
🔹 பேச்சுவார்த்தை ரத்து:
இந்தியா–அமெரிக்கா இடையிலான 6-வது சுற்று வர்த்தக பேச்சுவார்த்தை ஆகஸ்ட் 25 முதல் 29 வரை டெல்லியில் நடைபெற திட்டமிடப்பட்டிருந்தது. ஆனால், அமெரிக்க பிரதிநிதிகள் குழுவின் பயணம் தள்ளி வைக்க பட்டுள்ளதாக அதிகாரப்பூர்வ வட்டாரங்கள் உறுதிப்படுத்தியுள்ளன. இதனால் பேச்சுவார்த்தை ரத்து செய்யப்பட்டது.
🔹 வரி உயர்வு:
அமெரிக்க அதிபர் டொனால்ட் டிரம்ப் கடந்த ஏப்ரல் மாதம் இந்தியா உள்ளிட்ட பல்வேறு நாடுகளின் பொருட்களுக்கு 25 சதவீத வரி விதித்து இருந்தார். சமீபத்தில், ரஷியாவிடமிருந்து இந்தியா கச்சா எண்ணெய் இறக்குமதி செய்வதை காரணம் காட்டி கூடுதலாக மேலும் 25% அபராத வரி விதிக்கப்பட்டது. இதனால் மொத்தம் 50% வரி அமலுக்கு வரும் நிலை உருவாகியுள்ளது.
🔹 அமலுக்கு வரும் தேதி:
இந்த புதிய வரிகள் ஆகஸ்ட் 27, 2025 முதல் அமலுக்கு வரும் என்று அமெரிக்க அரசு அறிவித்துள்ளது.
🔹 இந்தியாவின் எதிர்ப்பு:
இந்த நடவடிக்கைக்கு இந்தியா கடும் எதிர்ப்பு தெரிவித்துள்ளது. “வரி பிரச்சினை தீர்வு காணப்படும் வரை பேச்சுவார்த்தை நடைபெறாது” என்று டிரம்ப் வலியுறுத்திய நிலையில், வர்த்தக உறவுகள் நெருக்கடிக்கு உள்ளாகியுள்ளன.
📌 முக்கிய குறிப்பு:
பேச்சுவார்த்தை ரத்து – உறுதி செய்யப்பட்டது.
50% வரி – ஆகஸ்ட் 27 முதல் அமலுக்கு வரும்.
வர்த்தக உறவுகள் – அடுத்த கட்டம் தெளிவில்லை.
👉 Tamilnadu Today Media Network.
உண்மை நிலவரம். நம்பிக்கைக்குரிய செய்தி.
சேக் முகைதீன் – இணை ஆசிரியர்.
