கோவை :
மாணவர்களிடையே தன்னம்பிக்கை, ஒழுக்கம், சமூக பொறுப்பு ஆகிய மதிப்புகளை வளர்க்கும் நோக்குடன், அகில பாரத கிராகஹ் பஞ்சாயத்து (ABGP) நுகர்வோர் கோவை மாவட்ட இயக்கத்தின் சார்பில் விவேகானந்தர் ஜெயந்தி – சமர்ப்பண தின விழா, ஜனவரி 11, 2026 அன்று சத்குரு சேவாசிரமத்தில் நடைபெற்றது.
இளைஞர்களுக்கு விவேகானந்தர் வழிகாட்டல்:
இந்த நிகழ்ச்சியில் சிறப்பு பேச்சாளராக கலந்து கொண்ட திரு. சங்கநாராயணன்,சுவாமி விவேகானந்தரின் வாழ்க்கை மற்றும் சிந்தனைகள் இன்று மாணவர்களின் கல்வி, ஒழுக்கம், தன்னம்பிக்கை, சமூகப் பங்கேற்பு ஆகியவற்றில் எவ்வாறு வழிகாட்டியாக இருக்கும் என்பதை விளக்கினார்.
மாணவர்கள்,தங்களது திறமையை நம்ப வேண்டும் இலக்கை நிர்ணயித்து உழைக்க வேண்டும்,சமூக நலனில் பங்கு பெற வேண்டும் என்ற விவேகானந்தரின் கருத்துகளை நடைமுறை வாழ்க்கையில் பின்பற்ற வேண்டும் என்றும் அவர் வலியுறுத்தினார்.
மாணவர்களின் பங்கேற்பு:
இந்த விழாவில் பள்ளி மாணவர்கள் திரளாக கலந்து கொண்டு,
விவேகானந்தரின் கருத்துகள் குறித்த உரைகளை கவனமாக கேட்டனர். சமூக சேவை மற்றும் தேசநல சிந்தனைகள் குறித்து விழிப்புணர்வு பெற்றனர்.இது மாணவர்களுக்கு ஊக்கமளிக்கும் அனுபவமாக அமைந்தது.
நிர்வாகிகள் பங்கேற்பு:
நிகழ்ச்சியில்,ABGP தமிழ் மாநில தலைவர் திரு. தமிழ்மணியன்,கோவை மாவட்ட அமைப்பாளர் திரு. பாலமுருகன்,பொருளாளர் திருமதி. லதா சுவாமிநாதன்,அமைப்பின் நிர்வாகிகள் மற்றும் உறுப்பினர்கள்,பொதுமக்கள் ஆகியோர் கலந்து கொண்டு விழாவை சிறப்பித்தனர்.
கல்வி + பண்பு = வலுவான எதிர்காலம்.
விவேகானந்தரின் சிந்தனைகள் மாணவர்களின் கல்வி வளர்ச்சியுடன் சேர்ந்து நல்ல மனிதர்களாகவும், பொறுப்புள்ள குடிமக்களாகவும் உருவாக உதவும் என நிகழ்ச்சியில் வலியுறுத்தப்பட்டது.
செய்தி :
இரா. சுதாகர்
துணை ஆசிரியர்
தமிழ்நாடு டுடே செய்திகள் குழுமம்
