வேலூர் மாவட்டம் குடியாத்தம் நகரில், முதலமைச்சரின் இல்லம் தேடி ரேஷன் பொருட்கள் விநியோகம் திட்டம் இன்று (ஆக. 12) காலை, நான்கு முனை கூட்ரோடு பகுதியில் உள்ள டெக்ஸ்டைல்ஸ் கடை எண் 1–13 நியாய விலை கடையில் துவங்கப்பட்டது.
நிகழ்ச்சிக்கு வட்ட வழங்கல் அலுவலர் திவ்யா தலைமையேற்றார். குடியாத்தம் தொகுதி சட்டமன்ற உறுப்பினர் அமுலு விஜயன் அவர்கள், முதியோர் மற்றும் மாற்றுத் திறனாளிகளுக்கு வீடு தேடி ரேஷன் பொருட்களை வழங்கும் திட்டத்தை துவக்கி வைத்தார்.
இதில் வருவாய் கோட்டாட்சியர் செல்வி சுபலட்சுமி, வட்டாட்சியர் கி. பழனி, நகர மன்ற தலைவர் எஸ். சௌந்தரராஜன், சார் பதிவாளர் தனலட்சுமி, நகர மன்ற உறுப்பினர் சுமதி மகாலிங்கம், டெக்ஸ்டைல்ஸ் மேலாளர் டி. எஸ். பிரகாசம், விற்பனையாளர்கள் ஜெயக்குமார் மோகன், ராஜேந்திரன் இளங்கோ, ஜே. கே. என். ஜெகதீசன் உள்ளிட்டோர் கலந்து கொண்டனர்.
குடியாத்தம் தாலுகா செய்தியாளர் – கே. வி. ராஜேந்திரன்
