குடியாத்தத்தில் 40 ஆண்டுகளாக பால், தயிர் விற்பனை செய்து வரும் வியாபாரிகளிடம் இருந்து, இரவு நேரங்களில் பாக்கெட் திருட்டு நடைபெறுகிறது. சிசிடிவி காட்சியில் தலையில் துணி கட்டிய நபர் களவாடும் காட்சி பதிவாகி உள்ளது. போலீசார் தீவிர விசாரணை நடத்தி வருகின்றனர்.
வேலூர் மாவட்டம் குடியாத்தம் நகரில் சமீபத்தில் ஆவின் பால் மற்றும் தயிர் பாக்கெட்டுகள் திருட்டு சம்பவங்கள் தொடர்ச்சியாக இடம்பெற்று வருகின்றன.
போஸ் பேட்டை பகுதியைச் சேர்ந்த மணி மற்றும் அவரது சகோதரர் சம்பத், குடியாத்தம் கொச அண்ணாமலை தெருவில் கடந்த 40 ஆண்டுகளாக ஆவின் பால், தயிர் பாக்கெட்டுகளை விற்பனை செய்து வருகிறார்கள். சில நாட்களாக அவர்கள் கடையில் வைக்கப்பட்டிருந்த பால் மற்றும் தயிர் பாக்கெட்டுகள் மாயமாகி வந்ததால், சந்தேகம் அடைந்தனர்.
இதையடுத்து கடையில் பொருத்தப்பட்டிருந்த சிசிடிவி காட்சிகளை ஆய்வு செய்தபோது, இரவு நேரத்தில் தலையில் துணி (தலப்பாய்) கட்டிக்கொண்டு, பாக்கெட்டுகளை திருடிச் செல்வது ஒருவரின் செயல் தெளிவாக பதிவாகியுள்ளது.
சம்பவம் குறித்து மணி மற்றும் சம்பத், குடியாத்தம் போலீசில் புகார் அளித்தனர். போலீசார் சிசிடிவி காட்சிகளை பெற்றுக்கொண்டு, குற்றவாளியை அடையாளம் கண்டு பிடிக்கும் பணியில் தீவிர விசாரணை மேற்கொண்டு வருகின்றனர்.
இந்த சம்பவம், அப்பகுதி பால் விற்பனையாளர்கள் மற்றும் வாடிக்கையாளர்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது.
📍 இடம்: குடியாத்தம்
✍ செய்தியாளர்: கே.வி. ராஜேந்திரன்.
