📍 சேலம் – அக்டோபர் 23
பொம்மிடி பொதுமக்கள் மற்றும் ரயில் பயணிகள் நல சங்கம் சார்பில், பொம்மிடி ரயில் நிலையத்தில் கூடுதல் ரயில் நிறுத்தம் வழங்க வேண்டும் எனக் கோரி சேலம் இரயில்வே கோட்ட அலுவலகத்தில் மனு அளிக்கப்பட்டது.
இம்மனுவை, கோட்ட இயக்க மேலாளர் திரு. சபரீஸ்குமார் மற்றும் கோட்ட துணை மேலாளர் திரு. சரவணன் ஆகியோரை சங்கத்தின் பிரதிநிதிகள் நேரில் சந்தித்து வழங்கினர்.
சங்கத்தின் செயலாளர் பா. ஜெபசிங் தலைமையில் நடைபெற்ற இந்நிகழ்வில், துணைத் தலைவர் திருமதி சங்கீதாஸ்ரீ, துணைச் செயலாளர்கள் இளங்கோவன், வெங்கடேசன், மூத்த உறுப்பினர் ரஃபீக் ஆகியோர் கலந்து கொண்டனர்.
பொம்மிடி ரயில் நிலையத்தில் நிறுத்தம் கோரப்பட்டுள்ள ரயில்கள் பின்வருமாறு:
🚆 கோவை எக்ஸ்பிரஸ் (12675 / 12676)
🚆 திருவனந்தபுரம் எக்ஸ்பிரஸ் (12695 / 12696) அல்லது (12623 / 12624)
🚆 நாகர்கோவில் எக்ஸ்பிரஸ் (16339 / 16340)
🚆 பெங்களூரு நோக்கி செல்லும் ரயில்கள் (16315 / 16316) அல்லது (16525 / 16526)
🚆 விவேக் எக்ஸ்பிரஸ் (22503 / 22504)
மேலும், அரக்கோணம் மெமோ ரயிலுக்கு டேனிஷ் பேட்டை நிலையத்தில் நிறுத்தம் வழங்கவும் கோரிக்கை வைக்கப்பட்டது.
அதிகாரிகள் மனுவைப் பெற்றுக்கொண்டு, உரிய பரிசீலனை செய்து தேவையான நடவடிக்கை எடுக்கப்படும் என உறுதியளித்தனர்.
🖋️ டி. ராஜீவ் காந்தி
