தமிழ்நாட்டில் அதிரடி ஐஏஎஸ் அதிகாரிகள் பணியிட மாற்றம்…?

30-க்கும் மேற்பட்ட உயர் அதிகாரிகளுக்கு புதிய பொறுப்புகள் – பல மாவட்டங்களில் புதிய ஆட்சியர்கள் நியமனம்:

சென்னை, மே 29:

தமிழ்நாடு அரசின் நிர்வாக அமைப்பில் முக்கிய மாற்றங்களை ஏற்படுத்தும் வகையில், 30-க்கும் மேற்பட்ட இந்திய ஆட்சிப் பணி (IAS) அதிகாரிகளுக்கு பணியிட மாற்றம் மற்றும் புதிய பொறுப்புகள் வழங்கி தமிழக அரசு உத்தரவு பிறப்பித்துள்ளது. இதற்கான அரசாணை பொது (Special-A) துறையால் மே 29 ஆம் தேதி வெளியிடப்பட்டது.

இந்த மாற்றங்கள் மாநில நிர்வாகத்தை மேலும் திறம்பட செயல்படுத்தும் நோக்கத்துடன் மேற்கொள்ளப்பட்டுள்ளதாக அரசு வட்டாரங்கள் தெரிவிக்கின்றன. குறிப்பாக மாவட்ட நிர்வாகம், நிதித்துறை, சுகாதாரத் துறை, கல்வித் துறை மற்றும் பல முக்கிய அரசுத் துறைகளில் மாற்றங்கள் செய்யப்பட்டுள்ளன.

முக்கிய அதிகாரிகள் மாற்றம்:

கல்லூரிக் கல்வி ஆணையராக பணியாற்றி வந்த இ. சுந்தரவல்லி, IAS, பொது மற்றும் மறுவாழ்வுத் துறையின் சிறப்புச் செயலாளராக நியமிக்கப்பட்டுள்ளார்.

நியூ திருப்பூர் ஏரியா டெவலப்மெண்ட் கார்ப்பரேஷன் நிர்வாக இயக்குநராக இருந்த ஆர். லலிதா, IAS, நிதித்துறையின் செயலாளராக மாற்றப்பட்டுள்ளார்.

தென்காசி மாவட்ட ஆட்சியராக இருந்த ஏ.கே. கமல் கிஷோர், IAS மற்றும் கள்ளக்குறிச்சி மாவட்ட ஆட்சியராக இருந்த எம்.எஸ். பிரசாந்த், IAS ஆகியோர் நிதித்துறையில் இணைச் செயலாளர்களாக நியமிக்கப்பட்டுள்ளனர்.

கன்னியாகுமரி மாவட்ட ஆட்சியராக இருந்த ஆர். அழகுமீனா, IAS, சுகாதார மற்றும் குடும்ப நலத்துறையின் துணைச் செயலாளராக பொறுப்பேற்றுள்ளார்.

முக்கிய துறைகளில் புதிய நியமனங்கள்:

தமிழ்நாடு உள்கட்டமைப்பு மேம்பாட்டு வாரியத்தின் தலைமைச் செயல் அதிகாரியாக இருந்த பூஜா குல்கர்னி, IAS, மதுவிலக்கு மற்றும் ஆயத்தீர்வை ஆணையராக நியமிக்கப்பட்டுள்ளார்.

ஊரக வளர்ச்சி ஆணையராக இருந்த பி. பொன்னையா, IAS, கல்லூரிக் கல்வி ஆணையராக நியமிக்கப்பட்டுள்ளார்.

தமிழ்நாடு பசுமை ஆற்றல் கழகத்தின் நிர்வாக இயக்குநராக இருந்த டாக்டர் டி.ஜி. விநய், IAS, இந்து சமய அறநிலையத் துறை ஆணையராக மாற்றப்பட்டுள்ளார்.

மாவட்ட ஆட்சியர்கள் மாற்றம்:

இந்த மாற்றத்தின் மூலம் பல மாவட்டங்களுக்கு புதிய ஆட்சியர்கள் நியமிக்கப்பட்டுள்ளனர்.

– மதுரை – பி. ஆகாஷ், IAS
– நாகப்பட்டினம் – கே.ஜே. பிரவீன் குமார், IAS
– தேனி – ஆர். வைத்திநாதன், IAS
– தருமபுரி – ஆர். சதீஷ், IAS
– கன்னியாகுமரி – எம். பிரதாப், IAS
– திருச்சிராப்பள்ளி – பிரதிக் தயால், IAS
– திருவண்ணாமலை – வந்தனா கார்க், IAS
– கள்ளக்குறிச்சி – ஜே.இ. பத்மஜா, IAS
– ராணிப்பேட்டை – என். பிரியா, IAS
– நாமக்கல் – எல். மதுபாலன், IAS
– திருநெல்வேலி – ஆனந்த் மோகன், IAS
– வேலூர் – பி.எஸ். லீலா அலெக்ஸ், IAS
– தஞ்சாவூர் – ஆர். ரேவதி, IAS
– செங்கல்பட்டு – டாக்டர் எம். வீரப்பன், IAS

வேலூர் மாவட்டத்திற்கு புதிய ஆட்சியர்.

வேலூர் மாவட்ட ஆட்சியராக பணியாற்றி வந்த வி.ஆர். சுப்புலட்சுமி, IAS மாற்றப்பட்ட நிலையில், பி.எஸ். லீலா அலெக்ஸ், IAS புதிய மாவட்ட ஆட்சியராக நியமிக்கப்பட்டுள்ளார். இது வேலூர் மாவட்ட நிர்வாகத்தில் குறிப்பிடத்தக்க மாற்றமாக பார்க்கப்படுகிறது.

அரசு நிறுவனங்களில் புதிய பொறுப்புகள்.

பல்வேறு அரசு நிறுவனங்கள் மற்றும் பொதுத்துறை நிறுவனங்களிலும் புதிய நியமனங்கள் செய்யப்பட்டுள்ளன.

மங்கத் ராம் சர்மா, IAS – தமிழ்நாடு பவர் பைனான்ஸ் மற்றும் உள்கட்டமைப்பு மேம்பாட்டு கழகத்தின் தலைவர் மற்றும் நிர்வாக இயக்குநர்.

ஜெயகாந்தன், IAS – பூம்புகார் கப்பல் கழகத்தின் தலைவர் மற்றும் நிர்வாக இயக்குநர்.

ஈ. சரவணவேல்ராஜ், IAS – தமிழ்நாடு மினரல்ஸ் லிமிடெட் (TAMIN) நிறுவனத்தின் நிர்வாக இயக்குநர்.

பி.என். ஸ்ரீதர், IAS – தமிழ்நாடு பசுமை ஆற்றல் கழகத்தின் நிர்வாக இயக்குநர்.

நிர்வாக திறனை மேம்படுத்தும் நடவடிக்கை:

மாவட்ட நிர்வாகம், நிதி நிர்வாகம், கல்வி, சுகாதாரம், உள்கட்டமைப்பு மற்றும் பொதுத்துறை நிறுவனங்களின் செயல்பாடுகளை மேலும் வலுப்படுத்தும் நோக்கில் இந்த விரிவான அதிகாரிகள் மாற்றம் மேற்கொள்ளப்பட்டுள்ளதாக அதிகாரப்பூர்வ வட்டாரங்கள் தெரிவிக்கின்றன.

தமிழ்நாடு அரசின் 2026 ஆம் ஆண்டின் மிகப்பெரிய நிர்வாக மறுசீரமைப்பாக இந்த ஐஏஎஸ் அதிகாரிகள் மாற்றம் கருதப்படுகிறது. புதிய பொறுப்புகளை ஏற்றுள்ள அதிகாரிகள் தங்களது துறைகளில் விரைவில் பணிகளைத் தொடங்க உள்ளனர்.

ஷேக் முகைதீன்
இணை ஆசிரியர்