சென்னை – வியாசர்பாடி, நவம்பர் 29, 2025:
வியாசர்பாடி மகாகவி பாரதி நகரில் அமைந்துள்ள திருமதி நர்பதாதேவி ஜெ. அகர்வால் விவேகானந்தா வித்யாலயா மேனிலைப்பள்ளியில் மழலையர்களுக்கான வண்ணமயமான “Kids Carnival – மழலையர் திருவிழா” சனிக்கிழமை சிறப்பாக நடைபெற்றது.
திருவிழா தொடக்க நிகழ்ச்சி:
விழாவை பள்ளி தாளாளர் திரு. ஸ்ரவண் குமார் தோடி தொடக்கி வைத்தார். துணைத் தாளாளர், கல்வி வளர்ச்சிக் குழுவின் உறுப்பினர்கள் மற்றும் நிர்வாகத் தலைவர்கள் அனைவரும் கலந்து கொண்டு நிகழ்ச்சியைச் சிறப்பித்தனர்.
மழலையர்களுக்கான வண்ணமயமான விளையாட்டு அரங்குகள்:
சிறுவர்கள் மனம் மகிழ பள்ளி வளாகத்தில் பல்வேறு விளையாட்டு அரங்குகள், சுவாரசிய செயல்பாடுகள்,
திறன் மேம்பாட்டு ஸ்டேஷன்கள் அமைக்கப்பட்டிருந்தன.
ஒவ்வொரு விளையாட்டிலும் வெற்றி பெற்ற மழலையர்கள் பெற்ற நட்சத்திர அடிப்படையில் கண்கவர் பரிசுகள் வழங்கப்பட்டன. குழந்தைகளின் முகத்தில் தெரிந்த மகிழ்ச்சி விழாவின் முழு சூழலையும் உற்சாகத்தால் நிரப்பியது.
+2 வணிகவியல் மாணவர்களின் கற்றல் அனுபவம் வெளிப்பாடு:
+2 வணிகவியல் (Commerce) மாணவர்கள் தங்களின் Experiential Learning முறையின்படி சிறப்பு வணிக வளாகங்களை அமைத்து, Food Without Fire உணவுகள், கைவினைப் பொருட்கள் ஆகியவற்றை கண்காட்சியுடன் விற்பனை செய்தனர்.
மழலையர்களும், அவர்களுடன் வந்த பெற்றோர்களும் இந்த கடைகளில் சுற்றி பார்த்து ரசித்து, உணவு வகைகளை சுவைத்து மகிழ்ந்தனர்.
பெற்றோரின் உற்சாகம்:
காலை 8.45 மணி முதல் பிற்பகல் 3.00 மணி வரை நீண்ட இந்த திருவிழாவில் 600-க்கும் மேற்பட்ட மழலையர்கள் பெற்றோர்களுடன் கலந்து கொண்டது பெரும் சிறப்பாக அமைந்தது.
நிர்வாகத்தின் நேர்த்தியான ஏற்பாடுகள்:
விழாவிற்கான அனைத்து ஏற்பாடுகளையும் பள்ளி நிர்வாகம் மிகச் சிறப்பாக செய்திருந்தது.
முதல்வர் திருமதி M. லதா அவர்கள் திருவிழாவை சிறந்த முறையில் வழிநடத்தினார்.
துணை முதல்வர், பொறுப்பு ஆசிரியர்கள் மற்றும் அனைத்து ஆசிரியர்களும் இணைந்து மழலையர்கள் – பெற்றோர்களுக்காக பல விளையாட்டுகளை ஏற்பாடு செய்து விழாவை சிறப்புற நடத்தினர்.
மொத்தத்தில், குழந்தைகளின் திறமைகளும் மகிழ்ச்சியும் இணைந்த ஒரு நினைவாகும் திருவிழாவாக இது அமைந்தது.
வடசென்னை நிருபர்: த. சுதாகர்
