🥇 மாநில அளவிலான சிலம்பம் போட்டியில் குடியாத்தம் மாணவர்கள் மாபெரும் வெற்றி! -

சுப்பிரமணி சிலம்பம் கலைக்குழு மாணவர்கள் 5 முதல் பரிசு – தேசிய போட்டிக்குத் தேர்வு!

சென்னையில் நடைபெற்ற மாநில அளவிலான சிலம்பம், கராத்தே மற்றும் யோகா போட்டிகளில், வேலூர் மாவட்டம் குடியாத்தம் சுப்பிரமணி சிலம்பம் கலைக்குழு மாணவர்கள் அசத்தி சாதனை படைத்துள்ளனர்.

இந்தப் போட்டிகள் சென்னை கிண்டி மான்போர்ட் மெட்ரிக் பள்ளியில், பென்னியாள் ஸ்போர்ட்ஸ் அகாடமி சார்பில் அக்டோபர் 13 அன்று நடைபெற்றது. இதில் சென்னை, செங்கல்பட்டு, காஞ்சீபுரம், வேலூர், இராணிப்பேட்டை உள்ளிட்ட பல மாவட்டங்களைச் சேர்ந்த வீர, வீராங்கனைகள் பெருமளவில் பங்கேற்றனர்.

25 ஆண்டுகளாக சமூக சேவையாளர் மாஸ்டர் சிவகுமார் வழங்கிவரும் இலவச சிலம்பம் பயிற்சியின் கீழ், சுப்பிரமணி சிலம்பம் கலைக்குழுவைச் சேர்ந்த 8 மாணவர்கள் மாஸ்டர் சிவகுமார் தலைமையில் போட்டியில் பங்கேற்றனர்.

அவர்களில் 5 பேர் முதல் பரிசு, 2 பேர் இரண்டாம் பரிசு, ஒருவர் மூன்றாம் பரிசு வென்று, மொத்தமாக 8 மாணவர்களும் தேசிய அளவிலான சிலம்பம் போட்டிக்குத் தேர்வானது குறிப்பிடத்தக்கது.

வெற்றி பெற்ற மாணவர்களுக்கு கலைமாமணி ஸ்டண்ட் மாஸ்டர் ஜாக்குவார் தங்கம், நடிகர் முத்துக்காளை, தி.மு.க. நிர்வாகி அண்ணாநகர் ராம்குமார், மற்றும் சீதாலட்சுமி கணேசன் ஆகியோர் பதக்கம், கோப்பை மற்றும் சான்றிதழ்களை வழங்கி பாராட்டினர்.

இந்த நிகழ்ச்சிக்கு பென்னியாள் ஸ்போர்ட்ஸ் அகாடமியின் ரகுபதி, ரகுநாதன், சங்கர், வினோத் உள்ளிட்ட பலர் ஒருங்கிணைப்பு செய்திருந்தனர். மாநில, மாவட்ட அளவில் திரளான வீரர்கள், வீராங்கனைகள், பயிற்சியாளர்கள் கலந்து கொண்டனர்.

செய்தி: கே.வி. ராஜேந்திரன், குடியாத்தம் தாலுக்கா செய்தியாளர்

🥇 மாநில அளவிலான சிலம்பம் போட்டியில் குடியாத்தம் மாணவர்கள் மாபெரும் வெற்றி!

Share this content

Social Media

Professional

Messaging

Visual

Communication

Bookmarking

Developer

Gaming

Video

Publishing

Entertainment

Academic

Finance

Shopping

Lifestyle

Utility

By TN NEWS