“உழைப்புக்கான அங்கீகாரம் மறுக்கப்பட்டது” – வேதனைக்குரல்
திருநெல்வேலி மாவட்ட பா.ஜ.க. பிரச்சாரப் பிரிவு மாவட்டத் தலைவர் வை.கோபால், தனது பதவியிலிருந்து விலகுவதாக அறிவித்துள்ளார். கடந்த 7 ஆண்டுகளாக கட்சிக்காக அயராது உழைத்த நிலையில் வந்துள்ள இந்தத் தீர்மானம், கட்சியினரிடையே பெரும் அதிர்ச்சியை ஏற்படுத்தியுள்ளது.
முக்கிய குற்றச்சாட்டு :
புதிய மாவட்டத் தலைவர், மாநிலத் தலைமையின் ஆலோசனைகளை மீறி, தனது உழைப்புக்கான மரியாதையை வழங்க மறுத்ததாக வை.கோபால் குற்றம் சாட்டியுள்ளார். “என்னைப் போன்ற உழைப்பாளிகளுக்கு அங்கீகாரம் மறுக்கப்படுவதால், தெளிவான நிலைப்பாடு தேவை” எனவும் அவர் வலியுறுத்தியுள்ளார்.
வை.கோபாலின் உணர்வுகள் :
சட்டமன்ற, உள்ளாட்சி, நாடாளுமன்ற தேர்தல்கள் என அனைத்திலும் முழுமையாக பங்களித்தேன்.
முன்னாள் மாநிலத் தலைவர் அண்ணாமலை நடைபயணம், பிரதமர் மோடிஜி பல்லடம் கூட்டம் உள்ளிட்ட நிகழ்ச்சிகளில் எனது பங்களிப்பு சிறப்பானது.
“நான் வெறும் பதவியில் இருந்தவன் அல்ல, உண்மையான தொண்டனாக உழைத்தவன்.”
அதிர்ச்சியூட்டும் கேள்வி :
இந்த ராஜினாமா, திருநெல்வேலி பாஜகவில் உள்ளகப் பிரச்சனைகளை வெளிச்சத்துக்கு கொண்டுவந்ததா? அல்லது தனிப்பட்ட கருத்து முரண்பாடுகளின் விளைவா?
கட்சித் தலைமை இதுவரை எந்த உத்தியோகபூர்வ பதிலும் அளிக்கவில்லை.
அமல்ராஜ்
தென்காசி மாவட்டம் தலைமை செய்தியாளர்
