சென்னை, மே 16: தமிழ்நாடு பத்திரப்பதிவுத் துறையின் கீழ் இயங்கும் அனைத்து சார்பதிவாளர் அலுவலகங்களிலும், சேவைக்காக வரும் பொதுமக்களை நிற்க வைத்துப் பேசக்கூடாது என்றும், அவர்களை உரிய மரியாதையுடன் அமர வைத்தே பேச வேண்டும் என்றும் பதிவுத்துறை உத்தரவிட்டுள்ளது.
உத்தரவின் பின்னணி:
தமிழ்நாட்டில் உள்ள சார் பதிவாளர் அலுவலகங்களில் பொதுமக்கள் பணிகளை முடிப்பதற்காக வரும்போது, சில அலுவலகங்களில் அவர்களை நிற்க வைத்து அதிகாரிகள் மற்றும் ஊழியர்கள் பேசுவதாக புகார் எழுந்தது. இதனைத் தொடர்ந்து, பொதுமக்களுக்கு மரியாதையான சேவையை வழங்கும் வகையில் இந்த உத்தரவு பிறப்பிக்கப்பட்டுள்ளது.
உத்தரவின் விவரங்கள்:
இந்த உத்தரவின் முக்கிய அம்சங்கள் பின்வருமாறு:
· அனைத்து சார் பதிவாளர் அலுவலகங்களிலும் ஒவ்வொரு அதிகாரியின் மேஜைக்கு முன்பாக பொதுமக்களுக்காகக் குறைந்தபட்சம் இரண்டு நாற்காலிகள் வீதம் கண்டிப்பாக அமைக்கப்பட வேண்டும்.
· பொதுமக்களை நாற்காலியில் அமர வைத்து மட்டுமே அதிகாரிகள் மற்றும் ஊழியர்கள் அவர்களுடன் உரையாட வேண்டும்.
· எந்தவொரு சூழ்நிலையிலும் பொதுமக்கள் நிற்கும் நிலையில் அவர்களுடன் உரையாடக் கூடாது.
· பொதுமக்கள் அமர்வதற்கு போதுமான இருக்கை வசதிகள் உள்ளதா என்பதை மாவட்ட பதிவாளர்கள் உறுதி செய்ய வேண்டும்.
கண்காணிப்பு மற்றும் ஒழுங்கு நடவடிக்கை:
இந்த உத்தரவு மீறப்படுவதைத் தடுக்கும் வகையில், அனைத்து அலுவலகங்களும் சிசிடிவி கேமராக்கள் மூலம் கண்காணிக்கப்படும் என அறிவிக்கப்பட்டுள்ளது. மேலும், இந்த உத்தரவை மீறும் அதிகாரிகள் மீது கடுமையான துறை ரீதியான ஒழுங்கு நடவடிக்கை எடுக்கப்படும் என எச்சரிக்கப்பட்டுள்ளது.
முந்தைய உத்தரவு:
பொதுமக்களை மரியாதையுடன் நடத்துவது தொடர்பாக இதற்கு முன்னரும் உத்தரவுகள் மற்றும் அறிவுரைகள் வழங்கப்பட்டிருந்தபோதிலும், பல அலுவலகங்களில் அது சரியாகப் பின்பற்றப்படவில்லை என்று ஆய்வுகளில் தெரியவந்தது. இதனையடுத்தே தற்போது மீண்டும் அனைத்து மாவட்டப் பதிவாளர்களுக்கும் உத்தரவு பிறப்பிக்கப்பட்டுள்ளது.
செய்தியாளர்:
வி. ஜெய்சங்கர்
தமிழ்நாடு டுடே, மக்கள் தொடர்பு அதிகாரி
கள்ளக்குறிச்சி மாவட்டம்
📌 உண்மை நிலவரம்:
இச்செய்தியானது, தற்போது சமூக வலைதளங்களில் “தமிழ்நாடு முதலமைச்சர் விஜய் உத்தரவு” என்று தவறாகப் பகிரப்படுகிறது. இவ்வுப்பதிவு பதிவுத்துறையால் 2026-ஆம் ஆண்டு மே 16-இல் வெளியிடப்பட்டிருந்தாலும், அது தற்போதைய முதல்வரின் உத்தரவின் பேரில் வெளியிடப்பட்டதல்ல. பொதுமக்களை மனிதாபிமானத்துடனும், உரிய மரியாதையுடனும் நடத்திட வேண்டும் என்ற நோக்கில், தமிழ்நாடு முன்னாள் முதலமைச்சர் மு.க. ஸ்டாலின் அவர்களின் ஆட்சிக் காலத்தில் பிறப்பிக்கப்பட்ட உத்தரவின் தொடர்ச்சியாகும்.
“தமிழ்நாடு டுடே செய்திகள் குழுமம்” சார்பாக தமிழ்நாடு முதலமைச்சர் விஜய் அவர்களுக்கு நன்றியும் பாராட்டுக்களும் வாழ்த்துக்களும். கடந்த ஆட்சியில் பிறப்பிக்கப்பட்ட நல்ல திட்டங்களை தொடர்ந்து செயல்வடிவம் தந்து மக்களின் நலன் கருதி தங்களது அரசு செயலாற்றும் முறை வரவேற்கத்தக்கது மிகவும் பாராட்டத்தக்கது. வாழ்த்துக்கள் 🙏🌹
