தருமபுரி மாவட்டம், அரூர் அருகே குமாரம்பட்டி காந்திநகர்
முல்லை அறக்கட்டளை நிறுவிய முல்லை மெட்ரிக் மேல்நிலைப்பள்ளி மற்றும் முல்லை நர்சிங் கல்லூரியின் 10ஆம் ஆண்டு விழா சிறப்பாக நடைபெற்றது.
இவ்விழாவிற்கு முல்லை அறக்கட்டளை தலைவர் திருமதி ராஜி தலைமையேற்றார்.
வரவேற்புரை அறக்கட்டளை செயலாளர் வினோநாத் வழங்கினார்.
துணைத் தலைவர் சரவணன் மற்றும் பொருளாளர் கல்யாண்குமார் முன்னிலை வகித்தனர்.
🎓 ஆண்டு அறிக்கைகள்:
முல்லை மெட்ரிக் பள்ளி முதல்வர் உத்தேஷ் மற்றும் முல்லை நர்சிங் கல்லூரி முதல்வர் ஹேமலதா தங்களது ஆண்டு அறிக்கைகளை வாசித்து, கல்வி முன்னேற்றம் மற்றும் மாணவர்கள் சாதனைகள் குறித்து விரிவாக விளக்கினர்.
🎤 சிறப்பு உரை:
இந்நிகழ்ச்சியில் சிறப்பு அழைப்பாளராக பட்டிமன்ற நடுவர், பேச்சாளர் ஞானசம்பந்தம் “வானமே எல்லை” என்ற தலைப்பில் மாணவ மாணவியருக்குப் பேராற்றல் ஊட்டும் உரையாற்றினார்.
🎭 கலைநிகழ்ச்சிகள்:
விழாவை ஒட்டி மாணவர்கள் வழங்கிய பாட்டுப் போட்டி, திரைஇசை நடனம், பரதநாட்டியம், ஓவியம், கோலாட்டம், வினாடி வினா போட்டிகள் உள்ளிட்ட பல்வேறு கலாச்சார நிகழ்ச்சிகள் பார்வையாளர்களை கவர்ந்தன.
👨🏫 கலந்துகொண்டோர்:
முல்லை கல்வி நிறுவனங்களின் உறுப்பினர்கள், இருபால் ஆசிரியர்கள், மாணவ மாணவிகள், பள்ளி சிறார்கள், பெற்றோர், சமூக ஆர்வலர்கள் உள்ளிட்ட ஏராளமானோர் பங்கேற்று விழாவை சிறப்பித்தனர்.
🖋️ பசுபதி – செய்தியாளர்,
