வேலூர் மாவட்டம் குடியாத்தம் பழைய பேருந்து நிலையம் அருகில், இந்து முன்னணி நிறுவனர் திரு. ராமகோபாலன் அவர்களின் 98வது பிறந்தநாள் விழா இந்து எழுச்சி தினமாக கொண்டாடப்பட்டது.
அலங்கரிக்கப்பட்டிருந்த அன்னாரின் திருவுருவப் படத்திற்கு மலர் மாலை அணிவித்து, இனிப்புகள் வழங்கி மரியாதை செலுத்தப்பட்டது. விழா நடைபெறும் போது “இந்து எழுச்சி” கோஷங்கள் முழங்கப்பட்டது.
இந்த நிகழ்ச்சிக்கு இந்து முன்னணி நகர தலைவர் A.K.குமார் தலைமையேற்றார். மாவட்ட செயற்குழு உறுப்பினர்கள் ஆறுமுகம், அனீஸ், ஒன்றிய தலைவர்கள் ராஜேஷ், ராமு ஆகியோர் முன்னிலை வகித்தனர்.
மாவட்ட இந்து வியாபாரிகள் நல சங்க பொறுப்பாளர் சுஜித் வரவேற்பு செய்தார். நகர ஒன்றிய பொறுப்பாளர்கள் லோகேஷ், யோகேஷ், பலராமன், மதன், ஹரிஷ், புகழேந்தி, கோபி, தாமு, மாணிக்கம், மோகன் உள்ளிட்ட பலரும் கலந்து கொண்டனர்.
குடியாத்தம் தாலுகா செய்தியாளர் கே.வி. ராஜேந்திரன்
