செப்டம்பர் 7 – குடியாத்தம்:
உலக பிசியோதெரபி தினத்தை முன்னிட்டு, வேலூர் மாவட்டம் குடியாத்தம் நகரில் ஆரோக்கிய முதுமையை நோக்கமாகக் கொண்டு விழிப்புணர்வு மாரத்தான் போட்டி நடைபெற்றது.
🔹 மாரத்தான் போட்டி:
ஆர்.எஸ். நகரைச் சேர்ந்த அன்பு @ பாஷா (தமிழ்நாடு காவல்துறை) போட்டியில் முதலிடம் பிடித்தார். அவருக்கு வெற்றி கோப்பையுடன் சான்றிதழை நகரமன்ற தலைவர் எஸ். சௌந்தரராஜன் வழங்கினார்.
🔹 நிகழ்ச்சியில் பங்கேற்றோர்:
விழாவில் வருவாய் கோட்டாட்சியர் செல்வி சுபலட்சுமி, நகர காவல் ஆய்வாளர் ருக்மங்காதன், போக்குவரத்து காவல் ஆய்வாளர் முகேஷ் குமார் மற்றும் பலர் கலந்து கொண்டு சிறப்பித்தனர்.
இன்றைய காலத்தில் முதியோர் மக்கள் தொகை அதிகரித்து வரும் நிலையில், “ஆரோக்கிய முதுமை” குறித்த விழிப்புணர்வு அவசியமாகிறது. உடற்பயிற்சி, நடைபயிற்சி, பிசியோதெரபி போன்றவை உடலை ஆரோக்கியமாகவும், மனதை சுறுசுறுப்பாகவும் வைத்திருப்பதில் பெரும் பங்கு வகிக்கின்றன.
மாரத்தான் போன்ற நிகழ்வுகள் இளைஞர்களுக்கும் முதியவர்களுக்கும் ஒரே நேரத்தில் ஆரோக்கியத்தை நினைவூட்டும் ஒரு நல்ல வாய்ப்பாகின்றன.
📌 குடியாத்தம் தாலுக்கா செய்தியாளர் கே.வி. ராஜேந்திரன்
