அமலுக்கு வரும் புதிய விதிகள்

அமலுக்கு வரும் புதிய விதிகள் – முழு விவரம் இதோ!
1hr9 shares
EPFO இன் புதிய விதி:

ஏப்ரல் 1 முதல், ஊழியர்களின் வருங்கால வைப்பு நிதி அமைப்பு (EPFO) குறிப்பிடத்தக்க மாற்றங்களை செய்ய உள்ளது.

அதன்படி, புதிய விதியின் கீழ், ஒரு சந்தாதாரர் வேலையை மாற்றும்போது, அவருடைய பழைய வருங்கால வைப்பு நிதி (பிஎஃப்) இருப்பு தானாகவே புதிய நிறுவனத்திற்கு மாற்றப்படும். அதாவது, EPFO கணக்கு வைத்திருப்பவர், புதிய பணியமர்த்தும்போது, PF தொகைகளை மாற்றக் கோர வேண்டிய அவசியமில்லை.

புதிய வரி விதிப்பு:

புதிய வரி விதிப்பு ஏப்ரல் 1, 2024 முதல் இயல்புநிலை வரி விதியாக அமல்படுத்தப்பட உள்ளது. அதாவது, வரிகளை தாக்கல் செய்யும் போது பழைய வரி முறையைத் தேர்ந்தெடுக்கவில்லை என்றால், ஏப்ரல் 1 முதல் புதிய வரி முறை தானாகவே தேர்ந்தெடுக்கப்படும்.

2024-2025 ஆம் நிதியாண்டு முதல் ரூ 3 லட்சம் முதல் ரூ 6 லட்சம் வரையிலான வருமானத்திற்கு 5 சதவீத வரியும், ரூ 6 லட்சம் முதல் ரூ 9 லட்சம் வரையிலான வருமானத்திற்கு 10 சதவீத வரியும், ரூ 9 லட்சம் முதல் ரூ 12 லட்சம் வரையுள்ள வருமானத்திற்கு 15 சதவீத வரியும், ரூ 12 லட்சம் முதல் ரூ 15 லட்சம் வரை உள்ள வருமானத்திற்கு 20 சதவீத வரியும், ரூ 15 லட்சத்திற்கு மேற்பட்ட வருமானத்திற்கு 30 சதவீத வரியும் விதிக்கப்படும். பழைய வரி முறையில் மட்டுமே இருந்த standard deduction ரூ 50000 என்பது தற்போது புதிய வரி முறையிலும் பொருந்தும். ரூ 5 கோடிக்கு மேல் உள்ள வருமானத்திற்கு விதிக்கப்படும் சர்சார்ஜ் எனப்படும் அதிகபட்ச கூடுதல் வரியானது 37 சதவீதத்திலிருந்து 25 சதவீதமாகக் குறைக்கப்பட்டுள்ளது. இது பெரும் செல்வந்தர்களுக்கு வரி சுமையை குறைக்கும்.

ஏப்ரல் 1, 2023 அல்லது அதற்கு பிறகு எடுக்கப்படும் ஆயுள் காப்பீடு பாலிசிகளின் முதிர்ச்சித் தொகை மொத்த ப்ரீமியம் ரூ 5 லட்சத்தை தாண்டினால் அந்த தொகைக்கு வரி செலுத்த வேண்டும்.

ஃபாஸ்டாக்:

ஏப்ரல் 1-ம் தேதி முதல் ஃபாஸ்டாக் விதிகளும் மாற உள்ளன. மார்ச் 31, 2024க்குள் உங்கள் Fastag இன் KYC செயல்முறையை நீங்கள் முடிக்கவில்லை என்றால், ஏப்ரல் 1 முதல் உங்கள் FASTagல் இருப்பு வைத்திருந்தாலும், பணம் செலுத்தப்படாது, மேலும் நீங்கள் டோல் பிளாசாக்களில் இரட்டிப்பு டோல் வரியைச் செலுத்த வேண்டியிருக்கும்.

NPS விதியில் மாற்றங்கள்:

ஏப்ரல் 1ஆம் தேதி முதல் தேசிய ஓய்வூதியத் திட்டத்தில் (என்பிஎஸ்) மாற்றம் இருக்கும். ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA), NPS ஐ நிர்வகிக்கும் உச்ச அமைப்பானது, NPS இன் தற்போதைய உள்நுழைவு செயல்முறையில் மாற்றங்களைச் செயல்படுத்தும். இந்த புதிய விதி ஏப்ரல் 1 முதல் அமலுக்கு வருகிறது.புதிய விதியின் கீழ் பென்சன் திட்ட கணக்கில் உள்ளே செல்ல இரு காரணி அங்கீகாரம் தேவைப்படும் (2 factor authentication). சந்தாதாரர்கள் ஆதார் சரிபார்ப்பு மற்றும் செல்போனில் பெறப்பட்ட ஒரு முறை மட்டுமே பயன்படுத்தப்படும் எண்ணை கொண்டு உள்ளே நுழைய வேண்டும்.

பாரத ஸ்டேட் வங்கியின் கிரெடிட் கார்டை பயன்படுத்தினால் ஏப்ரல் 1க்கு பிறகு வாடகையை செலுத்தும் வாடிக்கையாளர்களுக்கு ரிவார்டு பாயிண்ட்கள் கிடைக்காது.

தலைமை நிருபர்  சரவணகுமார்